مجلة حروف و معاني

بقلم الشاعر



    Morcos Ekladios



الواحد مننا بيزعل اوى
لما يحتاج لغيره
لكن كلنا محتاجين لله
زى ما النهر بيحن للبحر
يصب فيه
احنا برضه لازم نحن
للى من فيه
اخدنا نسمة حياة

طب تصدق
ان الورد محتاج للشوك
لجل ما يحامى عنه
طب ده لو ما كانش
الشوك حوالين الورد
كان الورد حصلتله مأساة

و العصفور
العصفور بيصلى عند مطلع الصبح
و لما الشمس تغرب
بيصلى تانى قبل ما ينام
زى ما يكون بيشكر ربنا اللى عطاه

و العصفور محتاج الشجر
يرتاح عليه
و الانسان بيقعد فى ضل الشجر
تحت الشجر
يفكر
اوقات فى فرحه
و اوقات فى اساه

كل واحد محتاج فينا للتانى
بس المهم تصدق النية
و يتمنى و يعمل الخير
لنفسه و للى معاه
      الشاعر العجوز
     مرقص اقلاديوس