مجلة حروف و معاني

بقلم الشاعر


       حسن الاقصري

الهم زاد
داير بيشكي للخلايق والعباد
هم وجراح
والعين بتنزف م الفراق والإبتعاد
حافي علي جسر الأماني
وشايل الحلم القتيل جوا الفؤاد
والحزن عاد
 داير يطوف راسم غمامه ف السما
ماشي ف أسراب الجراد
لابس عباية عمر متلفح سواد
والصبر أعلن إنسحابه وإنحنى
وسلم جميع الأسلحه
والذل رافع سطوته
ودايس علي طرف الزناد
نال المراد
ورفع رايات الإنكسار
وزاد الحصار
كل الدروب اتقفلت
كل الأماني إتغفلت
وإتسلسلت من غير معاد
زارع في كل طريق وتد
يرسم زبد
 على بحر مليان بالفساد
سرق البرائه ف الولاد
والفرح رافض ينتفض
أو يعترض
أو حتى فكر ينتقض
باع القضيه وراح وسلم جتته
وإتعرى لجن الإنجلاد
حسن الأقصري