بقلم الشاعر
رشاد الدهشوري
ما تصقفوش..............شعر عاميه
ما تصقفوش
قولو لى ليه بتصقفو؟؟؟؟
عريس واتجوز صبيه غصب عنها
تصقفو؟
عويل بيهرتل فى الكلام وتصقفو
وف مجلس التهيس
برضة تصقفو
قانون عبيط
يا شعب عاشق جلادينه
الجوع مسح مخه الطخين
وعشان رغيف يتسب دينه
وحتى بعض مثقفينه
بيصقفو
ولما بشوفو الشيكات
الخرس فيهم يهتفو
آه يا بلد
الطيبين فيها إختفو
والشقيانين
من شدة الخوف إنكفو
واللى راكبين عا الكتاف
واللى ماسكين اللجام
تماسيح زفاره
جراد بينهش كل شيىء
ولما تواجههم بالفساد
على النزاهه يحلفو
ويستحلفو
قولو الحقيقة ماتخافوش
دى مصر عرضك ما تبعوش
مذكوره مصر ف كل دين
دى مصر بلد المؤمنين
مسيحى مسلم
قال ادخلوها آمنين
وعشان كده ماتصقفوش
ما تشجعوش الفاسدين
ما تفكروش إنى شاعر
انا زيكم
تايه مابين امواج مشاعر
انا قلبى مات م الخوف
ولسانى بعافر
انا مش نبى
ولاكنت كافر
ولا قلبى مات
انا من تراب الآرض بصنع معجزات
بحب بلدى السمرا
مووووووووووووت
بس الحب لقلبى كاسر
درعاتى كلت من عزيق الأرض
والشمس اللى بتخربش
ف وشى بالضوافر
انا زيكم انسان بسيط
لا راسى طايلة السما
ولا رجلى لامسة الارض
عارف حدودى
إنسان وسط
أخطف من بحور الهم
نسمة إبتسام
راضى بقسمة ربنا من غير سخط
ولما اشوف إبتسامة طفل
صدرى ينبسط
فيه ناس تقول إنى طيب
وناس يوصمونى بالعبط
يا شعب اعمى مفتحين سرقو عصاته
يا شعب عاشق كدابينة و رقصاته
والكدابين ومدعى النخبة
باعوه ورقصو يوم وفاته
وياريت كدا وبس
الأكادة
بيزورواقصة حياتة
بيصورونا للغريب حبة غجر
بركان مياعة وانفجر
واحنا التاريخ يشهد لنا
إحنا اللى شيدناالحضارة
إحنا اهل الفن واهل العمارة
والأمارة
إسئلوا عنا الحجر
انا مش ملااك
انا فكرت كتير غلط
انا صاحبت الفاس سنين وسنين
وسفيت رمل وزلط
انا زيكم واحد من الفقرا
يا شعب غفلان لاعاد يكتب ولا يقرا
بحلم ببكرا
بحلم لكم
وحلمى هو حلمكم
بحلم بيبت
بحلم اجوز البنات
بحلم ازور قبر النبى
اطوف واحج
لكن اللصوص ماسابوا حاجة فى البلد
والظلم اصبح شكله فج
خلونى احلم بس اهج
واسيبلهم كل البلد
انا عشت طول العمر ساكت
ما تصقفوش
إنتو اللى شجعتو الوحوش
ماتصقفوش
دى كفوفكم لطم على الوشوش
يا شعب جده مصقفاتى
يا شعب لازق فى الكنب
تحت اللحاف ما تصقفوش
أنا مشهخاف
وهعلى صوتى بالهتاف
هسهر فى ليلكو مسحراتى
هخبط بقلمى ع البيبان
واسقى العطاشى من حياتى
يا شعب قوم
واعلنها صوم
صوت الأدان لازم يواتى
متصقفوش
وما تخافوش
زهقت من كتر الكلام
مخبول بهاتى
فقرى وفقران طول حياتى
إيه ياخد الريح م البلاط؟؟
ما حيلتى غير كلماتى
ماتصقفوش
........... رشاد الدهشورى
رشاد الدهشوري
ما تصقفوش..............شعر عاميه
ما تصقفوش
قولو لى ليه بتصقفو؟؟؟؟
عريس واتجوز صبيه غصب عنها
تصقفو؟
عويل بيهرتل فى الكلام وتصقفو
وف مجلس التهيس
برضة تصقفو
قانون عبيط
يا شعب عاشق جلادينه
الجوع مسح مخه الطخين
وعشان رغيف يتسب دينه
وحتى بعض مثقفينه
بيصقفو
ولما بشوفو الشيكات
الخرس فيهم يهتفو
آه يا بلد
الطيبين فيها إختفو
والشقيانين
من شدة الخوف إنكفو
واللى راكبين عا الكتاف
واللى ماسكين اللجام
تماسيح زفاره
جراد بينهش كل شيىء
ولما تواجههم بالفساد
على النزاهه يحلفو
ويستحلفو
قولو الحقيقة ماتخافوش
دى مصر عرضك ما تبعوش
مذكوره مصر ف كل دين
دى مصر بلد المؤمنين
مسيحى مسلم
قال ادخلوها آمنين
وعشان كده ماتصقفوش
ما تشجعوش الفاسدين
ما تفكروش إنى شاعر
انا زيكم
تايه مابين امواج مشاعر
انا قلبى مات م الخوف
ولسانى بعافر
انا مش نبى
ولاكنت كافر
ولا قلبى مات
انا من تراب الآرض بصنع معجزات
بحب بلدى السمرا
مووووووووووووت
بس الحب لقلبى كاسر
درعاتى كلت من عزيق الأرض
والشمس اللى بتخربش
ف وشى بالضوافر
انا زيكم انسان بسيط
لا راسى طايلة السما
ولا رجلى لامسة الارض
عارف حدودى
إنسان وسط
أخطف من بحور الهم
نسمة إبتسام
راضى بقسمة ربنا من غير سخط
ولما اشوف إبتسامة طفل
صدرى ينبسط
فيه ناس تقول إنى طيب
وناس يوصمونى بالعبط
يا شعب اعمى مفتحين سرقو عصاته
يا شعب عاشق كدابينة و رقصاته
والكدابين ومدعى النخبة
باعوه ورقصو يوم وفاته
وياريت كدا وبس
الأكادة
بيزورواقصة حياتة
بيصورونا للغريب حبة غجر
بركان مياعة وانفجر
واحنا التاريخ يشهد لنا
إحنا اللى شيدناالحضارة
إحنا اهل الفن واهل العمارة
والأمارة
إسئلوا عنا الحجر
انا مش ملااك
انا فكرت كتير غلط
انا صاحبت الفاس سنين وسنين
وسفيت رمل وزلط
انا زيكم واحد من الفقرا
يا شعب غفلان لاعاد يكتب ولا يقرا
بحلم ببكرا
بحلم لكم
وحلمى هو حلمكم
بحلم بيبت
بحلم اجوز البنات
بحلم ازور قبر النبى
اطوف واحج
لكن اللصوص ماسابوا حاجة فى البلد
والظلم اصبح شكله فج
خلونى احلم بس اهج
واسيبلهم كل البلد
انا عشت طول العمر ساكت
ما تصقفوش
إنتو اللى شجعتو الوحوش
ماتصقفوش
دى كفوفكم لطم على الوشوش
يا شعب جده مصقفاتى
يا شعب لازق فى الكنب
تحت اللحاف ما تصقفوش
أنا مشهخاف
وهعلى صوتى بالهتاف
هسهر فى ليلكو مسحراتى
هخبط بقلمى ع البيبان
واسقى العطاشى من حياتى
يا شعب قوم
واعلنها صوم
صوت الأدان لازم يواتى
متصقفوش
وما تخافوش
زهقت من كتر الكلام
مخبول بهاتى
فقرى وفقران طول حياتى
إيه ياخد الريح م البلاط؟؟
ما حيلتى غير كلماتى
ماتصقفوش
........... رشاد الدهشورى
ليست هناك تعليقات:
إرسال تعليق