مجلة حروف و معاني

بقلم الأديب


    ناصر توفيق


عامية
*يا بكرة يا جاي*
يا بكرة يا جاى
انا لسة مستني
اشوف الوطن فرحة
من فرحته بيغني
قصايد شوق للامل متحني
يا بكرة لساك جاي
ولا زهقت زيي
من طول الانتظار وكتر التمني
*******************
يا بكرة يا جاي
بحلم بالوطن جنة
فوق ترابه الكل يتهنى
يشوف احلامه قريبه
ويحلم ويتمنى
******************
يا بكرة يا جاي
لسه الامل موجود
تطرح بساتين الوطن فرحه
تغطي الكل وتكفي الوجود
يا بكرة ربنا موجود
**************
يا بكرة يا جاي
بحلم بالوطن جناين فل
يسمينه متاح للكل
فارد جناحاته رحمة
وابتسامته بتطل
*************
يا بكرة يا جاي
التاريخ قال مصر
من اول ما كان احمس في القصر
بتعلم العالم في كل عصر
منصورة وبتحضن رايات النصر
يا بكرة يا جاي
تعالى وفي ايدك هات مصر
بقلم /ناصر توفيق