مجلة حروف و معاني

بقلم الشاعر


  هلال جلامنة


بالدلال مشحون

بوجهه جمالٍ كنه مجموع من بستان
ورودٍ منتشرة بيه ألف لون ولون

شعرٍ طويلٍ قطعة من ليل النسيان
منديلٍ يلتف بعانية يخليه مصيون

جبينٍ صبوحٍ بطلته يضيع بيه الحرمان
تحس النجوم السما تمر عليه يسلمون

كحيل الرمش يسحر أي شخصٍ كان
مظلته حاجبٍ مقوس بدقة وفنون

وسيع العين بحرٍ ما تلقى له عنوان
الغريق يشتهي الموت بوسط العيون

الشمس والقمر بوجهه ليهم بيه مكان
بوسطه خشمٍ من الياقوت كنزٍ مدفون

مكنوز الخد بغمازاته كنه بدر الأزمان
شفاهٍ حمر من الطبيعة اللون بيها مسجون

ثقيل الصدر مدورٍ فيه منابت الرمان
حتى الرضيع ليه يصبح بيه مفتون

شامخ الطول بيه رقة غصون البان
بمسيره يتهادي تحس بدلاله مشحون

زنوده مدورة الهوا من ملمسها حيران
وكف يدٍ به رقة ويزيد الظنون

جذعٍ كنه منسوجٍ من شقائق النعمان
مصبوب الظهر عليه الغزلان يجرون

لفة بطنه زي صفحته ٍ مطوية بحنان
لو تقراها تلقى سطورٍ ما تفهم شتكون

خصرٍ نحيلٍ يحب الرقص ويا الألحان
ما يهمه جسمٍ للتعب يكون مديون

 تحب ثوبه الأسود اللي تلمع منه السيقان
تخلي الطيور السما حولها دوم يطفون

جمالٍ بالسما والأرض ما تلقى إنسان
مدري ويش أقول بفتن هالمزيون

إن ضحكت تخلي القلب يشتاق ولهان
وان ابتسمت تخلي العاقل مجنون

خجل نظرتها تخلي الجفن يبقى سهران
وحركة يدها بالمشي أوصفها مدري شلون

وصيت قلبي أريد منه دوم الكتمان
رد مقدر الإحساس سيطر عليه الحنون

كن الجمال من جمالها تاه بيه غرقان
جمالها بستان والغرام بوروده مرهون

هلال جلامنة