مجلة حروف و معاني

بقلم الشاعر


 Sabry Aly


 **الربيع..

(1) - جانا الرّبيع  فرحان ' بسّ متأخّر ..
خلّى الجمال ألوان ,  والحسن  متسخّر ..
طب ليه ما حسّتهوش,ولا حسّ بيه قلبى .?
خبّط عليه التقاه ' ........ نايم , وبيشخّر .

(2) - لمحت زهرة, جميلة, فرحانة,ومنبّتة ..
قالت : أنا جايّة مع الرّبيع'هربانة من الشّتا .
أمانة لو يسأل علىّ ' ...... خبّينى من وشّه ..
قول له انّى تحت التراب ' بردانة, متكلفتة  .!

(3) - جهّزت لوحة, وريشة'وقلت ارسم زهور ..
علشان أفرّح قلب ' ما فرحشى من شهور  ..
رسمت قلوب كتيرة ' حوالين زهرة حزينة .!
سألته: يا قلبى مالك? قال: واقف فى الطابور .

(4) - جانى حبيبى مع الرّبيع, واترجّانى ابتسم ..
قال ' إنّه جايب فرحة معاه , وممكن تتقسم ..
أنا قلت ' فاكر لابتسامة بتاعة الشّتا الماضى ..
حاولت كتيرمعاها ' مش راضية ' تترسم .!