مجلة حروف و معاني

بقلم الشاعر


       Andrew Farag


مريضه

    مريضه وعانت الآمرين
  مرارها طافح علي الجبين
مجروحه ومين يداويها مين
     إللي آكل حلاها خانها
  وسابها عليله للمحرومين
  عليله وضاع منها جمالها
  وداسوا عليها المجرمين
  مريضه وبتعاني الآمرين

   مريضه وبتعاني الآمرين
    عليله ومين يرحمها مين
   حتى علاجها سرقوه منها
ومسابوش لا فرشها ولا غطاها
 ومبقاش الا الهم والغم غطاها
   الكئابه سادتها والمر غطاها
     وأهو طفح على الجبين
مريضه ولسه بتعاني الأمرين

     مريضه وقطعوها ميت حته
ومعشمنا أن الحلو جاي في السكه
  يا سيدي دالفقر ملازمنا وقاعدلنا
                   ع الدكه
     والغلا والجوع عملنا شركه
        عليله وبتعاني الأمرين

     عليله وبتعاني يوماتي
بتصرخ ارحموا ضعفي هتنهوا
                 حياتي
   دستوا عليا وأكلتوا ملذاتي
 بعتوني وخونتوني وجوعتوا
                  أولادي
عليله ومرضها طفح على الجبين
  عريانة ولتوبها الخلق مقسمين

مريضه ومن مرضها ستفيق
  وستزين لأولادها الطريق
الأن حالها كحال بيت ألتهمه
                 الحريق
سيرمم ويزين ويكون معلم
               للطريق
مصر العليله من مرضها ستشفي
  مصر الجميله سترجع بسمتها
                 على الجبين
    مصر القوية ستقضي علي
                  الخائنين
مصر القديمه سترجع وستكون
                مرام العين
   وستسحق رؤوس الخائنين

                  كلمات أندرو فرج
                                  20/2/2017