مجلة حروف و معاني

بقلم الشاعر


          أحمد شاعر العرب



عيشى
عيشى لوحدك        فى الضياع
انتى  مكانك فى الغابات   بين الثعالب والضباع
انا مش فريسه بين ايديكى   مذبوحه بأشاره  صباع
ولاحتى  فيه سحر  ف عنيكى  يجعلنى   عبد  الانصياع
ولا   ليا ذكرى فى ماضيكى      تأمرنى افرد  لك شراع
انتى     جرحتينى     كتير        وانا  كنت  راضى بقسمتى
جرح   الحبيب  دايما   خطير     تاهت فى   دنياه   خطوتى
نثرت   فى   ارضك    عبير       قتلتى    الروح  فى  بسمتى
اشوفك / قلبى  تراقص /يطير /     وتهون   عليكى   ضحكتى
انتى     مكانك   فى   الغابات        مالكيش   مكان  بين البشر
تتلونى     بلون        النبات          وتهجمى    مثل     القدر
تاكلى   فريستك   فى     سبات        والدم    ينزل     كالمطر
كل  اللى  امنك  ضاع    ومات        قربك  من     الحب  خطر
انتى    قتلتى   كل    شىء             وبترقصى    على    جثتى
كان  قلبى فى حبك   برىء              لكن   خسرتى    محبتى
انا   باحسدك /   قلبك  جرىء/            كسرتى  قلبى      ومهجتى
ياخساره ضاع بيننا      الطريق           راح اعيش حزين فى  وحدتى
شعر احمد اسماعيل / شاعرالعرب